ហេតុផល ៦យ៉ាងដែលអ្នកគួរពិចារណាហោះហើរជាមួយ អេមីរ៉ាត

ក្រុមហ៊ុនអាកាសចរណ៍ អេមីរ៉ាត ត្រូវបានគេទទួលស្គាល់ថា ជាក្រុមហ៊ុនអាកាសចរណ៍លំដាប់ថ្នាក់ពិភពលោក ដែលហោះត្រង់មកភ្នំពេញពីទីក្រុង ឌូបៃ កាលពីពេលថ្មីៗនេះ។

អាកាសចរណ៍ អេមីរ៉ាត សម្ពោធជើងហោះហើរដំបូងបង្អស់របស់ខ្លួនពីទីក្រុងឌូបៃ មករាជធានីភ្នំពេញកាលពីថ្ងៃទី១ កក្កដា ២០១៧។ រូបភាព៖ ហេង ភារម្យ

នៅលើទីផ្សារអាកាសចរណ៍ ពិតជាមានក្រុមហ៊ុនដឹកអ្នកដំណើរតាមអាកាសរាប់មិនអស់ ហើយវាមិនងាយស្រួលឡើយ នៅពេលអ្នកធ្វើដំណើរម្នាក់ៗសម្រេចចិត្តជ្រើសរើសយកក្រុមហ៊ុនអាកាសចរណ៍ណាមួយនោះ។

ដើម្បីជួយអ្នកអានទាំងអស់គ្នាឲ្យកាន់តែដឹងច្បាស់អំពី អេមីរ៉ាត សារព័ត៌មាន ខេមបូណូមីស សូមបង្ហាញជូនលោកអ្នកនូវហេតុផល ឬចំណុចពិសេស ៦ យ៉ាង អំពី អេមីរ៉ាត សម្រាប់លោកអ្នកធ្វើការពិចារណា៖

ទី១. មានកាលវិភាគម៉ោងហោះហើរល្អ និងមានកំណត់ត្រាសុវត្ថិភាពល្អបំផុតលើពិភពលោក

ជើងហោះហើរដោយផ្ទាល់ពីភ្នំពេញទៅទីក្រុង ឌូបៃ មានរយ:ពេល 9 ម៉ោង និង 30នាទី ពីអាកាសយានដ្ឋានអន្តរជាតិ ភ្នំពេញ ដែលធ្វើការចុះចតរយ:ពេលខ្លី នៅទីក្រុងយ៉ាំងហ្គូន ហើយអ្នកដំណើរមិនចាំបាច់ចាកចេញពីយន្តហោះនៅទីក្រុងយ៉ាំងហ្គូន ប្រទេសមីយ៉ាន់ម៉ា ឡើយ។ ដូច្នេះ អ្នកធ្វើដំណើរមានភាពងាយស្រួល និងចំណេញពេលវេលា។

ព្រះបរមរាជវាំងនៃប្រទេសកម្ពុជាស្ថិតនៅចំកណ្ដាលនៃរាជធានីភ្នំពេញ។ រូបភាព៖ ហ្វេសប៊ុក Emirates

មិនតែប៉ុណ្ណោះ អាកាសចរណ៍ អេមីរ៉ាត ត្រូវបានជាប់ឈ្មោះជាក្រុមហ៊ុនអាកាសចរណ៍ដ៏ល្អបំផុតរបស់ពិភពលោក ប្រចាំឆ្នាំ2016 ទទួលបាន Skytrax World Airline Awards និង ត្រូវបានទទួលស្គាល់ថា ជាក្រុមហ៊ុនអាកាសចរណ៍ដ៏ល្អបំផុតនៅក្នុងពិភពលោកនៅក្នុងការផ្តល់រង្វាន់ Travelers 'Choice® Awards for Airlines 2017។ ចំណែកកំណត់ត្រាសុវត្ថិភាព ក៏ស្ថិតក្នុងភាពឥតខ្ចោះដែរ។

ទី២. មានបណ្តាញតភ្ជាប់សឹងតែទូទាំងពិភពលោក (ជាង150 ទិសដៅ)

អ្នកធ្វើដំណើរមកពីប្រទេសកម្ពុជាជាច្រើន ភាគច្រើនធ្វើដំណើរទៅកាន់ប្រទេសអាមេរិក អឺរ៉ុប និងក៏អាចមានប្រទេសនៅទ្វីបអាហ្វ្រិក ផង។ ក្រុមហ៊ុនអាកាសចរណ៍ អេមីរ៉ាត មានការហោះហើរប្រចាំថ្ងៃ សឹងតែគ្រប់ ទិសទីទាំងអស់នៅលើពិភពលោក មិនថានៅប្រទេសណា ឬទ្វីបណាទេ។

ទីក្រុង ឌូបៃ ដែលជាទឹកដីកំណើតរបស់ក្រុមហ៊ុន អេមីរ៉ាត ជាទីប្រសព្វដែលជាមធ្យមត្រូវការថិរវេលាប្រហែល៤ម៉ោង ដើម្បីធ្វើដំណើរពីទីក្រុងឌូបៃ ទៅកាន់មួយភាគបីនៃពិភពលោកទាំងមូល។

យន្តហោះប្រភេទ Boeing 777 របស់ក្រុមហ៊ុន អេមីរ៉ាត ចុះចតលើកដំបូងនៅភ្នំពេញ កាលពីថ្ងៃទី១ កក្កដា ២០១៧

ទី៣. ប្រព័ន្ធកម្សាន្តធំបំផុតនិងទំនើបបំផុត

អ្នកដំណើរនៅលើជើងហោះហើររបស់ក្រុមហ៊ុនអាកាសចរណ៍ អេមីរ៉ាត អាចទស្សនាកម្មវិធីកម្សាន្តក្នុងយន្តហោះដែលមានប៉ុស្តិ៍ទូរទស្សន៍ជាង 2500 (ប្រើ touch screen) ប៉ុស្តិ៍ខ្សែភាពយន្ដ ហ្គេម និងទូរទស្សន៍ រួមជាមួយសេវាអ៊ិនថឹណិត Wi-Fi ដែលមាននៅលើយន្តហោះ អេមីរ៉ាត។

អ្នកដំណើរតាមយន្តហោះ អេមីរ៉ាត ទាំងអស់ នឹងទទួលបានអាហារជាច្រើនប្រភេទនៅអំទ្បុងពេលធ្វើដំណើរ។

ទី៤. ចុះសំចតនៅទីក្រុងឌូបៃដោយមិនអស់ប្រាក់

ជាទូទៅ ចំពោះអ្នកធ្វើដំណើរទាំងឡាយណាដែលធ្វើដំណើរឆ្លងកាត់ទីក្រុងឌូបៃតាមក្រុមហ៊ុនអាកាសចរណ៍ ⁣អេមីរ៉ាត អាចធ្វើការចុះសំចតរយ:ពេលខ្លីនៅទីក្រុងឌូបៃដោយមិនចាំបាច់ចំណាយប្រាក់ទេ (មិនអស់ថ្លៃទិដ្ឋាការ)។

ក្រៅពីនោះ ថ្មីៗនេះ ចំពោះភ្ញៀវទេសចរមកពីប្រទេសកម្ពុជាទាំងអស់ ដែលធ្វើការកក់សំបុត្រយន្តហោះ ក្នុងការហោះហើរទៅមកពីរាជធានីភ្នំពេញ ទៅទីក្រុងឌូបៃ⁣ (round trip) ចាប់ពីថ្ងៃនេះរហូតដល់ថ្ងៃទី14 ខែសីហា ហើយសម្រាប់ការធ្វើដំណើរពីថ្ងៃនេះ⁣ រហូតដល់ចុងខែវិច្ឆិកា ឆ្នាំ២០១៧ នឹងអាចទទួលបានលក្ខខណ្ឌគ្រប់គ្រាន់សម្រាប់ទទួលបានទិដ្ឋាការឥតគិតថ្លៃដែលមានតម្លៃ 90ដុល្លារ។

ការសម្រាកលំហែនៅទីក្រុងឌូបៃ អាចជាបទពិសោធន៍មួយដ៏អស្ចារ្យបំផុត ដោយគិតចាប់ពីការចំណាយពេលរសៀលដើរលេងលើឆ្នេរ Jumeirah បន្តទៅវាលខ្សាច់ Safari ហើយមើលឃើញទេសភាពដ៏ធំល្វឹងល្វើយដែលមិនអាចបំភ្លេចបាន ពីលើអគារខ្ពស់បំផុតរបស់ពិភពលោក ហៅថា Burj Khalifa ឬដំណើរកម្សាន្តជុំវិញទីក្រុងឌូបៃ បែបប្រពៃណី។ មានអ្វីៗជាច្រើនទៀតដែលអ្នកទេសចរ ត្រូវទស្សនានិងធ្វើនៅក្នុងទីក្រុងចម្រុះជាតិសាសន៍នេះ។

សន្និសីទសារព័ត៌មាន ស្ដីពីការសម្ពោធជើងហោះហើរត្រង់ពី ឌូបៃ មកភ្នំពេញ។

ទី៥. Rewards with skywards ពេលសន្សំពិន្ទុបានច្រើននឹងបានធ្វើដំណើរ

លោកអ្នកដឹងទេថា អេមីរ៉ាត មានប្រព័ន្ធផ្តល់រង្វាន់ដល់អ្នកធ្វើដំណើរ? អ្នកធ្វើដំណើរកម្ពុជាគ្រាន់តែសន្សំពិន្ទុរាល់ការធ្វើដំណើរនីមួយៗ និងរីករាយជាមួយផលប្រយោជន៍ផ្សេងៗពីអេមីរ៉ាត។ ចំណាយពេលតែប៉ុន្មាននាទីប៉ុណ្ណោះដើម្បីចុះឈ្មោះ។ ការចុះឈ្មោះជាលើកដំបូងនឹងបានទទួល ២៥,០០០ម៉ៃល៍ ស្មើនឹងកាត Silver ដែលអាចជួយអ្នកប្រើប្រាស់ Business Lounge នៅទីក្រុងឌូបៃ។ ពេលបាន ៥០,០០០ម៉ៃល៍ គឺស្មើនឹងកាត Gold ដែលអនុញ្ញាតឲ្យអ្នកអាចប្រើប្រាស់គ្រប់ Lounges ទាំងអស់របស់អេមីរ៉ាត។

ចំណុចដែលពិសេសនោះគឺថា ពេលអ្នកសន្សំពិន្ទុទាំងអស់នេះ⁣ អ្នកនឹងអាចប្រើប្រាស់ជាមួយដៃគូរបស់ អេមីរ៉ាត ដូចជា Virgin America, Jetstar, Qantas, និង Korean Air Miles។ រឿងពិបាកមួយគឺថា បើអ្នកជិះ Business Class គឺពិតជាមិនចង់ជិះថ្នាក់សន្សំសំចៃទៀតទេ។

ទី៦. ថ្នាក់សន្សំមានកៅអី ម្ហូបអាហារមិនចាញ់ថ្នាក់ជំនួញនោះទេ

កៅអីថ្នាក់សន្សំរបស់ អេមីរ៉ាត ទូលាយ ហើយអាចទម្រេតគេងបានយ៉ាងស្រួល មិនតែប៉ុណ្ណោះ អាហារមានរសជាតិឆ្ងាញ់ មានទំហំច្រើន ព្រមទាំងមានបង្អែមនិងភេសជ្ជៈទៀតផង។ ទំហំកៅអីថ្នាក់សន្សំពិត ជាធ្វើឲ្យអ្នកធ្វើដំណើរជាច្រើនរីករាយនឹងផាសុកភាពជាមួយ អេមីរ៉ាត៕