ការនាំចេញរបស់តំបន់សេដ្ឋកិច្ចពិសេសទាំង១១នៅកម្ពុជា កើនឡើង១២%ក្នុងឆ្នាំ២០១៧
ព័ត៌មាន
•
ការនាំចេញរបស់តំបន់សេដ្ឋកិច្ចពិសេស ទាំង១១ របស់កម្ពុជា ក្នុងរយៈពេលមួយឆ្នាំពេញ ឆ្នាំ២០១៧នេះ មានទឹកប្រាក់ជិត ១ពាន់ ២…
រូបថតនេះ (រូបនៅខាងដើមបំផុតនៃអត្ថបទនេះ) បង្ហាញពីអត្ថន័យជ្រាលជ្រៅនៃខ្សែជីវិតលើទឹក ដែលឆ្លុះបញ្ចំាងពីទំនាក់ទំនងជាប្រវត្តិសាស្រ្តរវាងមនុស្សនិងទន្លេ។ លោក Hien Minh Vu បានថតផ្តិតយកទិដ្ឋភាពដ៏អស្ចារ្យនេះ និងបានឈ្នះជ័យលាភីលេខមួយ ក្នុងការប្រកួតប្រជែងរូបថតលើកដំបូង ដែលរៀបចំឡើងដោយគណៈកម្មការទន្លេមេគង្គ (MRC)។
ក្នុងកម្មវិធីដែលរៀបចំឡើងនៅលេខាធិការដ្ឋាន MRC ក្នុងទីក្រុងវៀងច័ន្ទ កាលពីដើមខែធ្នូ ដើម្បីអបអរសាទរភាពសម្បូរបែបនៃទន្លេមេគង្គ ជាមួយនឹងរូបថតដែលឈ្នះជ័យលាភី អ្នកថតរូបដែលទទួលបានជ័យលាភីរូបនេះ និយាយដោយចិត្តត្រេកអរ ថា “ការចូលរួមក្នុងការប្រកួតប្រជែងនេះ គឺជាឱកាសដ៏អស្ចារ្យមួយសម្រាប់ខ្ញុំ ដើម្បីបញ្ជូនសារប្រាប់ទៅសាធារណជនទូទៅ ថា យើងចាំបាច់ត្រូវពួតដៃគ្នា ការពារទន្លេដ៏ស្រស់បំព្រងមួយនេះ ដើម្បីជាប្រយោជន៍ដល់ប្រជាពលរដ្ឋដែលពឹងអាស្រ័យលើវា សម្រាប់ម្ហូបអាហារផង និងការរកចំណូលផង”។
ដើមឈើដុះក្នុងទន្លេមេគង្គ ក្នុងខេត្តស្ទឹងត្រែង។ រូបថតនេះស្ថិតក្នុងចំណោមរូបថតជ័យលាភីក្នុងកម្មវិធីប្រកួតរូបថតរបស់គណៈកម្មការទន្លេមេគង្គ។
(Sokratana Hou/MRC)
រូបថតជ័យលាភីរបស់លោក Vu ត្រូវបានជ្រើសចេញពីរូបថតចំនួន ១៦៥សន្លឹក របស់អ្នកថតរូបមិនមែនអាជីពចំនួន ៤២នាក់ មកពីប្រទេសចំនួនបួន នៅអាងទន្លេមេគង្គក្រោម រួមមាន កម្ពុជា ឡាវ ថៃ និងវៀតណាម។ អ្នកថតរូបទាំងនេះ បានចូលរួមក្នុងការប្រកួតប្រជែងរូបថត ក្រោមប្រធានបទ “ភាពសម្បូរបែបនៃទន្លេមេគង្គក្នុងខ្សែភ្នែករបស់អ្នក” ដែលចាប់ផ្តើមទទួលពាក្យប្រកួត ពីថ្ងៃទី០៧ ខែកក្កដា ដល់ថ្ងៃទី ២៤ ខែកញ្ញា ឆ្នាំ២០១៧។
រូបថតចំនួន ៣០សន្លឹកផ្សេងទៀត ដែលឈានដល់វគ្គជម្រុះចុងក្រោយ ដែលផ្តិតយកផ្ទាំងទស្សនីយភាពដ៏ស្រស់បំព្រង និងសកម្មភាពមនុស្ស សុទ្ធតែសបញ្ជាក់ពីរឿងរ៉ាវគួរឱ្យទាក់ទាញចិត្ត ស្រដៀងគ្នានេះ ដូចជា ការបង្ហាញពីប្រព័ន្ធបរិស្ថានសម្បូរបែបនៃទន្លេមេគង្គ ការប្រើប្រាស់ទឹកតាមបែបផែនផ្សេងៗគ្នា និងមុខរបរចិញ្ចឹមជីវិត ដែលមានលក្ខណៈពិសេសរបស់សហគមន៍នៅតាមដងទន្លេ។
អ្នកនេសាទចាមនៅតាមដងទន្លេមេគង្គក្នុងប្រទេសកម្ពុជា។ រូបថតនេះស្ថិតក្នុងចំណោមរូបថតជ័យលាភីក្នុងកម្មវិធីប្រកួតរូបថតរបស់គណៈកម្មការទន្លេមេគង្គ។
(Phearith Phan/MRC)
លោកស្រី Catherine O’ Brine ដែលជាប្រធានគណៈកម្មាធិការរៀបចំកម្មវិធីប្រកួតប្រជែងរូបថតនេះ មានប្រសាសន៍ក្នុងកម្មវិធីផ្តល់រង្វាន់ថា “រូបភាពទាំងនេះមានលក្ខណៈពិសេសម្យ៉ាង ដែលទាក់ទាញចិត្តអ្នកទស្សនា… វាជារូបភាពដែលផ្លាស់ប្តូរការយល់ឃើញ និងបទពិសោធន៍របស់យើង”។
ពិធីប្រគល់រង្វាន់នេះ ដែលប្រព្រឹត្តទៅនៅក្រុងវៀងច័ន្ទ ធ្វើឡើងទន្ទឹមគ្នានឹងពិព័រណ៍រូបថតដែលជាប់ចំណាត់ថ្នាក់លើគេចំនួន៣០សន្លឹក។ រូបភាពឈ្នះជ័យលាភីចំនួន១២សន្លឹក បានទទួលរង្វាន់ ដែលក្នុងនោះ រូបល្អលើសគេចំនួន៨ ទទួលបានរង្វាន់ជាសាច់ប្រាក់មានចាប់ពី ៥០ដុល្លារ ទៅ ៥០០ដុល្លារ។
កសិករប្ដីប្រពន្ធប្រមូលផលស្រូវនៅខេត្តកណ្ដាល។ រូបថតនេះស្ថិតក្នុងចំណោមរូបថតជ័យលាភីក្នុងកម្មវិធីប្រកួតរូបថតរបស់គណៈកម្មការទន្លេមេគង្គ។
(Rithy Kheurn/MRC)
ក្នុងចំណោមរូបភាពឈ្នះជ័យលាភីទំាង១២ មានរូប៣សន្លឹក ថតដោយអ្នកថតរូបមកពីកម្ពុជា គឺលោក ហ៊ូ សុខរ័ត្ននា ដែលឈ្នះរង្វាន់រូបថតល្អប្រចាំប្រទេស ដោយបានថតរូបពណ៌នាពីដើមឈើដុះបណ្តែតខ្លួនក្នុងទន្លេមេគង្គនៅខេត្តស្ទឹងត្រែង។ លោក ខឹម រិទ្ធី ឈ្នះរង្វាន់រូបថតល្អសម្រាប់គម្រោងគ្រប់គ្រងធនធានទឹកចម្រុះ ដែលបានថតរូបកសិករនៅតាមដងទន្លេមេគង្គ និងលោក ផាន ភារិទ្ធ ដែលឈ្នះរង្វាន់រូបថតល្អសម្រាប់គម្រោងធនធានទឹកចម្រុះដែរ ពីការថតរូបការរស់នៅតាមដងទន្លេរបស់ជនជាតិចាម នៅកម្ពុជា។
កម្មវិធីប្រកួតរូបថត និងការតាំងពិព័រណ៍រូបថតនេះ គឺជាផ្នែកមួយនៃគម្រោងគ្រប់គ្រងធនធានទឹកចម្រុះទន្លេមេគង្គនៃគណៈកម្មការទន្លេមេគង្គ ក្រោមជំនួយហិរញ្ញវត្ថុពីធនាគារពិភពលោក ដែលបានសម្របសម្រួលកិច្ចសហប្រតិបត្តិការឆ្លងដែន ជុំវិញការប្រើប្រាស់និងការគ្រប់គ្រងធនធានទឹករវាងប្រទេសមេគង្គទាំងបួន៕
