រដ្ឋាភិបាលអាមេរិកប្រឈមនឹងវិបត្តិអស់សាច់ប្រាក់ជាថ្មី ខណៈលទ្ធភាពខ្ចីប្រាក់ក៏ដល់កំរិតកំណត់
ព័ត៌មាន
•
រដ្ឋាភិបាលសហរដ្ឋអាមេរិក កំពុងប្រឈមហានិភ័យនៃបញ្ហាខ្វះសាច់ប្រាក់ជាថ្មីទៀតហើយ ខណៈដែលការខ្ចីប្រាក់របស់រដ្ឋាភិបាលបានឈានដល់កម្រិតកំណត់នៃពិដាន…
កង្វល់របស់លោក ស៊ី ជីនពីង ធ្លាក់មកនៅក្រោយពេលរដ្ឋាភិបាលក្រុងប៉េកាំងបានលុបចោលនូវគោលនយោបាយសូន្យកូវីដ លែងត្រូវឱ្យពលរដ្ឋធ្វើតេស្ត និងធ្វើចត្តាលីស័កដូចចូលឆ្នាំថ្មីនាឆ្នាំមុនៗទៀតហើយ។ យ៉ាងណាក៏ដោយ មេដឹកនាំចិនរូបនេះ បានដាក់ចេញបញ្ជាឱ្យតាមដានយ៉ាងដិតដល់បំផុត ដើម្បីគ្រប់គ្រងបញ្ហានៃការឆ្លងរាតត្បាតនេះឱ្យមានប្រសិទ្ធភាព។
អាជ្ញាធរនៃក្រសួងដឹកជញ្ជូនរបស់ប្រទេសចិនបានទស្សន៍ទាយថា នៅក្នុងខែមករានេះ និងខែកុម្ភៈ ចរន្តធ្វើដំណើររបស់ពលរដ្ឋចិននឹងមានដល់ជាង២ពាន់លានជើង ដែលជាចលនាបម្លាស់ទីដ៏ធំបំផុតក្នុងពិភពលោក។ យ៉ាងណាមិញ ការបម្លាស់ទីរបស់ប្រជាជនចិនចេញពីបណ្តាទីក្រុងដែលកំពុងមានកំណើនករណីឆ្លងកូវីដ១៩ ត្រូវបានគេរំពឹងថា នឹងនាំជំងឺនេះទៅកាន់ទីជនបទទៀតផង។
មន្រ្តីចិនបានឱ្យដឹងទៀតថា គិតចាប់តាំងពីថ្ងៃទី៧ខែមករាដល់ត្រឹមថ្ងៃទី១៨មករា ប្រជាជនចិនប្រមាណ៤៨០លាននាក់ បានធ្វើដំណើរនៅទូទាំងប្រទេស ដែលនេះជាកំណើនខ្ពស់មួយធៀបនឹងរយៈពេលដូចគ្នាកាលពីឆ្នាំ២០២២។ ការណ៍នេះបានធ្វើឱ្យមេដឹកនាំចិន លោក ស៊ី ជិនពីង មានក្តីបារម្ភជាពន់ពេកពីផលប៉ះពាល់ធ្ងន់ធ្ងរនៃជំងឺកូវីដ១៩ មិនថាតែនៅទីក្រុងឡើយ រួមទាំងនៅតាមតំបន់ជនបទផងដែរ។ លោក ស៊ី បារម្ភថា អ្នកនៅទីក្រុងនឹងនាំយកកូវីដ១៩ទៅឱ្យអ្នកផ្ទះរបស់ពួកគេ។ បុរសខ្លាំងរូបនេះ បានដាក់បញ្ជាឱ្យបង្កើនការយកចិត្តទុកដាក់លើសុខាភិបាលនៅតំបន់ជនបទ អំឡុងពេលនេះ។
សូមជម្រាបថា បើតាមក្រុមហ៊ុន Airfinity ដែលជាក្រុមហ៊ុនព្យាករណ៍ឯករាជ្យមួយ បានប៉ាន់ស្មានថា ការស្លាប់ដោយសារកូវីដជាប្រចាំថ្ងៃនៅក្នុងប្រទេសចិន នឹងឈានដល់ចំណុចកំពូលប្រហែល ៣ម៉ឺន៦ពាន់នាក់ក្នុង១ថ្ងៃ នៅក្រោយថ្ងៃបុណ្យចូលឆ្នាំចិន។ ក្រុមហ៊ុននេះ ក៏បានព្យាករដែរថា ចាប់តាំងពីចិនដកចេញគោលនយោបាយសូន្យកូវីដមក អាចនឹងមានមនុស្សសរុបជាង៦០ម៉ឺននាក់ហើយ ដែលស្លាប់ដោយសារមួយជំងឺនេះ៕
