#ភ្ញៀវ​ទេសចរ​អន្តរជាតិ

ក្នុងបរិបទកូវីដ-១៩ ខេត្តកំពត ក្លាយជាគោលដៅទេសចរណ៍ដ៏លេចធ្លោរបំផុតមួយរបស់កម្ពុជា ដោយមានទេសចរទៅកម្សាន្តច្រើនជាងគេ។ ជាក់ស្ដែង បើតាមរបាយការណ៍របស់ក្រសួងទេសចរណ៍ ក្នុងសប្ដាហ៍ទី៣ នៃខែកញ្ញានេះ មានទេសចរជាង ២ម៉ឺននាក់ បានធ្វើដំណើរកម្សាន្តទៅ ខេត្តកំពត ដែលធ្វើឱ្យខេត្តនេះ ជាប់លំដាប់លេខ២ បន្ទាប់ពីរាជធានីភ្នំពេញ។ ដើម្បីឱ្យខេត្តជាប់សមុទ្រមួយនេះ កាន់តែទទួលបានភ្ញៀវទេសចរកាន់តែច្រើន រដ្ឋបាលខេត្តកំពត កំពុងចាប់ផ្ដើមសិក្សាលើគម្រោងពង្រីក និងកែលម្អ ឆ្នេរព្រែកថ្មីមួយ ដែលមានទីតាំងស្ថិតនៅ សង្កាត់កំពង់បាយ ក្រុងកំពត ខេត្តកំពត។