#ធ្លាក់ចុះ

របាយការណ៍ផ្ដល់ដោយសមាគមស្វាយចន្ទីកម្ពុជាបង្ហាញថា គិតចាប់ពីខែមករា ដល់ពាក់កណ្តាលខែធ្នូ ក្នុងឆ្នាំ២០២២នេះ កម្ពុជាបាននាំចេញគ្រាប់ស្វាយចន្ទីឆៅទៅកាន់ទីផ្សារអន្តរជាតិ សម្រេចបានចំនួន ៦៧ម៉ឺនតោន គិតជាទឹកប្រាក់មានចំនួនជាង ១ពាន់លានដុល្លារ បានថយចុះជិត ៣៥% បើធៀបនឹងរយៈពេលដូចគ្នាក្នុង ឆ្នាំ២០២១។ ការធ្លាក់ចុះនេះដែរ ត្រូវបានប្រធានសមាគមស្វាយចន្ទី អះអាងថា បណ្ដាលមកពីឆ្នាំនេះ បញ្ហាអាកាសធាតុប្រែប្រួល ធ្វើឲ្យទិន្នផល និងគុណភាព គ្រាប់ស្វាយចន្ទីធ្លាក់ចុះ ដែលមិនអាចឆ្លើយតបតាមតម្រូវការទីផ្សារ។