#ធនាគារ អេស ប៊ី អាយ លីហួរ ត្រៀមឱកាសការងាររហូត១០០កន្លែងសម្រាប់អ្នកកំពុងស្វែងរកការងារ

នៅឆ្នាំនេះ ពិព័រណ៍ការងារ និងផលិតភាពជាតិ២០២២ បាននាំមកនូវឱកាសការងារជាង ២ម៉ឺនកន្លែង ក្នុងមុខជំនាញផ្សេងៗ គ្នាជាច្រើន មកពីក្រុមហ៊ុន អង្គការ និងស្ថាប័នធំៗ ជាង១៥០ សម្រាប់យុវជនដែលកំពុងស្វែងរកការងារធ្វើ។ ក្នុងនោះ ក្រុមហ៊ុន អេស ប៊ី អាយ លី ហួរ ម.ក ដែលជាធនាគារពាណិជ្ជធំមួយ ក្នុងចំណោមធនាគារដែលមានការវិវត្តន៍លឿនបំផុត នៅកម្ពុជា ក៏បានត្រៀមឱកាសការងាររហូត ១០០កន្លែង សម្រាប់អ្នកកំពុងស្វែងរកការងារធ្វើ នៅក្នុងពិធីបើកពិព័រណ៍ការងារ និងផលិតភាពជាតិ ឆ្នាំ២០២២នេះ ផងដែរ។