#ទីក្រុងសៀវវីរ៉ូដូណេក

អភិបាលប្រចាំតំបន់នៃទីក្រុងសៀវវីរ៉ូដូណេក បាននិយាយកាលពីពេលថ្មីៗនេះថា ភាគីអ៊ុយក្រែននៅតែបន្តគ្រប់គ្រងតំបន់រោងចក្រគីមីមានឈ្មោះថា អាហ្សូត(Azot) នៃនៅក្រុងសៀវវីរ៉ូដូណេកដដែល ជាទីដែលជនស៊ីវិលរាប់ពាន់នាក់កំពុងជ្រកកោន ចំពេលមានការប្រយុទ្ធគ្នាដ៏ស្វិតស្វាញ។ ការអះអាងបែបនេះធ្វើឡើង បន្ទាប់ពីក្រុមផ្តាច់ផ្តាច់ទឹកដីនិយមដែលគាំទ្រដោយរុស្ស៊ីបានអះអាងថា យុទ្ធជនអ៊ុយក្រែនពី ៣០០ ទៅ ៤០០នាក់ក៏បានជាប់នៅទីនោះផងដែរ។ នេះបើតាមសេចក្តីរាយការណ៍ពីទីភ្នាក់ងារសារព័ត៌មានរ៉យទ័រ។