#ទំហំពាណិជ្ជកម្មអន្តរជាតិរបស់កម្ពុជា

ទំនាក់ទំនងល្អទ្វេភាគីរវាងប្រទេសកម្ពុជា និងបណ្ដាប្រទេសដទៃ បានចូលរួមចំណែកយ៉ាងសំខាន់ ក្នុងការជំរុញកំណើនសេដ្ឋកិច្ចកម្ពុជា នារយៈពេលពេលប៉ុន្មានឆ្នាំចុងក្រោយនេះ ពិសេសជំរុញឲ្យមានកំណើនទំហំពាណិជ្ជកម្មអន្តរជាតិកើនឡើងជាបន្តបន្ទាប់ ចាប់ពីឆ្នាំ២០១៨ រហូតដល់ឆ្នាំ២០២២នេះ។ ជាក់ស្ដែង យោងតាមរបាយការណ៍របស់ក្រសួងពាណិជ្ជកម្ម បានបង្ហាញថា ទំហំពាណិជ្ជកម្មអន្តរជាតិកម្ពុជា មានប្រមាណ ២៩ពាន់លានដុល្លារ នៅឆ្នាំ២០១៨ និងមានការកើនឡើងរហូតដល់ ៤៨ពាន់លានដុល្លារ នៅឆ្នាំ២០២១។