រដ្ឋកាន់តែច្រើននៅអាមេរិកសម្រេចហាមប្រាមមិនឱ្យប្រើប្រាស់កម្មវិធី TikTok ដោយខ្លាចថា វាជាប្រព័ន្ធចារកម្មរបស់រដ្ឋាភិបាលចិន
ដោយ
រដ្ឋលូស៊ាណា (Louisiana) និងរដ្ឋ West Virginia កាលពីថ្ងៃចន្ទ ទី១៩ ខែធ្នូ បានក្លាយជារដ្ឋរបស់សហរដ្ឋអាមេរិកចុងក្រោយគេ ដែលបានសម្រេចហាមឃាត់ការប្រើប្រាស់សេវាកម្មប្រព័ន្ធផ្សព្វផ្សាយសង្គមដ៏ពេញនិយមរបស់ចិន TikTok លើឧបករណ៍រដ្ឋាភិបាលជុំវិញការព្រួយបារម្ភថា រដ្ឋាភិបាលចិនអាចប្រើវាជាមធ្យោបាយ ដើម្បីតាមដានជនជាតិអាមេរិក និងត្រួតពិនិត្យទិន្នន័យសំខាន់ៗរបស់រដ្ឋាភិបាលអាមេរិកជាដើម។ នេះបើតាមការចុះផ្សាយដោយសារព័ត៌មានអន្តរជាតិធំៗ។