#ឥណទាន

អ្នកជំនាញក្នុងវិស័យហិរញ្ញវត្ថុបានអះអាងថា គំនិតផ្ដួចផ្ដើមបង្កើតឲ្យមានសាជីវកម្មធានាឥណទាននៅកម្ពុជា ឬហៅថា Credit Guarantee ជាជំហានវិជ្ជមានមួយទៀតរបស់រាជរដ្ឋាភិបាលក្នុងការជួយដល់វិស័យហិរញ្ញវត្ថុ ក៏ដូចជាសេដ្ឋកិច្ច ដែលកំពុងរងផលប៉ះពាល់ដោយសារតែកូវីដ-១៩។ បើតាមអ្នកជំនាញ សាជីវកម្មធានាឥណទាន នឹងអនុញ្ញាតឲ្យស្ថាប័នហិរញ្ញវត្ថុនឹងមានលទ្ធភាពច្រើនជាងមុនក្នុងការផ្ដល់កម្ចីដល់ពលរដ្ឋដែលត្រូវការសាច់ប្រាក់ ពិសេសអ្នកប្រកបអាជីវកម្មតូចតាច ហើយវាក៏ជាផ្នែកមួយរក្សានូវនិរន្តរភាពការផ្ដល់ឥណទាននៅកម្ពុជាផងដែរ។