#ការឆ្លងនៅតាមរោងចក្រសហគ្រាស

គិតមកទល់នឹងពេលនេះ មានរោងចក្រចំនួន ២០៦រោងចក្រនៅទូទាំងប្រទេស ដែលមានកម្មករនិយោជិតប្រមាណជាងជិត ១,៧ពាន់នាក់ បានឆ្លងជំងឺកូវីដ១៩ ដោយចំនួននេះនឹងមានការកើនឡើងបន្តទៀត ខណៈកម្មករនិយោជិតប្រមាណជាង ១,៧ម៉ឺននាក់ ដែលបាននិងកំពុងធ្វើចត្តាឡីស័ក។ នេះបើតាមការឲ្យដឹងពីឯកឧត្តម ហេង សួរ អ្នកនាំពាក្យក្រសួងការងារ នៅក្នុងសន្និសីទសារព័ត៌មានស្តីពី ការបន្តបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ នៃខេត្តកណ្តាល ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ កាលពីថ្ងៃទី២៨ ខែមេសា ឆ្នាំ២០២១។