#ការហោះហើររវាងកម្ពុជា-ចិន

មន្ត្រីជាន់ខ្ពស់រដ្ឋលេខាធិការដ្ឋានអាកាសចរស៊ីវិលអះអាងថា បន្ទាប់ពីចិនបានប្រកាសបើកប្រទេសឡើងវិញ ចាប់ពីថ្ងៃទី៨ ខែមករា ឆ្នាំ២០២៣ ក្រុមហ៊ុនទេសចរណ៍ចិនមួយចំនួន បានបង្ហាញពីទិន្នាការតភ្ជាប់ជើងហោះហើរឡើងវិញ ក៏ប៉ុន្តែ សម្រាប់ការហោះហើររវាង កម្ពុជា-ចិន ហាក់មិនទាន់មានការវិវត្តន៍គួរឲ្យកត់សម្គាល់នៅឡើយនោះទេ។ ដ្បិតថា សម្ទុះនៃការហោះហើររវាងកម្ពុជា-ចិន មិនទាន់មានភាពប្រាកដប្រជា ប៉ុន្ដែកម្ពុជា បានប្រកាសស្វាគមន៍ជានិច្ចនូវជើងហោះហើររបស់ចិនចូលមកកម្ពុជា ជាពិសេសរាជរដ្ឋាភិបាលកម្ពុជា ក៏បានបើកទូលាយដល់ធុរជន និងភ្ញៀវទេសចរចិនផងដែរ។