#ការស៊ើបអង្កេតកូវីដ

ក្រោយពីបានទទួលបញ្ជាពីប្រធានាធិបតីអាមេរិកកាលពីចុងខែឧសភា កន្លងទៅនេះ ឲ្យភ្នាក់ងារស៊ើបការសម្ងាត់អាមេរិក ស៊ើបអង្កេតពីប្រភពដើមកូវីដ១៩ក្នុងរយៈពេលកំណត់៩០ថ្ងៃ ពេលនេះលទ្ធផលរបាយការណ៍នៃការស៊ើបអង្កេត ត្រូវបានបង្ហាញជាសាធារណៈហើយ កាលពីចុងសប្ដាហ៍មុននេះ។ ប៉ុន្ដែ របាយការណ៍នៅតែមិនអាចកំណត់បានច្បាស់លាស់ដដែលថា តើជំងឺកូវីដ១៩ដំបូងមានដើមកំណើតចេញពីណា?។ ប្រការនេះបានធ្វើឲ្យមហាអំណាចទាំងពីរ គឺចិននិងអាមេរិក បន្តសាចទឹកដាក់គ្នាដដែលជុំវិញបញ្ហាប្រភពដើមកូវីដ-១៩នេះ។ នេះបើតាមការចុះផ្សាយដោយសារព័ត៌មាន រ៉យទ័រ។