ក្រុមហ៊ុន Tesla សុខចិត្តបង់លុយឲ្យមុន ឲ្យតែបានបន្ទះឈីបមកផលិតរថយន្ដ
ដោយ
ការកង្វះខាតបន្ទះឈីប កំពុងក្លាយជាបញ្ហាសកលមួយ សម្រាប់ឧស្សាហកម្មផលិតគ្រឿងអេឡិចត្រូនិកធំៗ រាប់តាំងតែពីការផលិត ទូរស័ព្ទ ទូរទស្សន៍ កុំព្យូទ័រ រថយន្ដ និងឧបករណ៍អេឡិចត្រូនិកជាច្រើនទៀត។ យ៉ាងណាមិញ សូម្បីតែ ក្រុមហ៊ុនផលិតរថយន្ដ Tesla ដ៏ល្បីរបស់អាមេរិក ក៏កំពុងប្រឈមនឹងបញ្ហាកង្វះខាតបន្ទះឈីបនេះកាន់តែខ្លាំងផងដែរ រហូតដល់ថ្នាក់ក្រុមហ៊ុននេះ ហ៊ានចំណាយលុយបង់ឲ្យមុនទាំងអស់ ដើម្បីអាចបញ្ជាទិញបានបន្ទះឈីបសម្រាប់យកមកប្រើប្រាស់ផលិតរថយន្ដរបស់ខ្លួន។ នេះបើតាមប្រភពជិតស្និទ ដែលបានបញ្ជាក់ប្រាប់សារព័ត៌មាន FT។