#ក្រសួង​សេដ្ឋកិច្ច និង​ហិរញ្ញវត្

ក្រសួងសេដ្ឋកិច្ច និងហិរញ្ញវត្ថុ បានព្យាករថ្មីចុងក្រោយនេះថា សេដ្ឋកិច្ចរបស់កម្ពុជានឹងរក្សាបានកំណើនក្នុងរង្វង់ ២,៤%នៅឆ្នាំ២០២១នេះ ពោលគឺទាបជាងការព្យាករកាលពីដើមឆ្នាំដែលធ្លាប់រំពឹងមានកំណើន៤% ខណៈដែលនៅឆ្នាំ២០២២ខាងមុខឯណោះវិញ រំពឹងថានឹងកើនដល់៤,៨%។ ការទម្លាក់ការព្យាករកំណើនសេដ្ឋកិច្ចកម្ពុជានៅពេលនេះ គឺធ្វើឡើងក្រោយក្រសួងសេដ្ឋកិច្ចបានមើលឃើញថា ការឆ្លងរីករាតត្បាត នៃជំងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ បានបង្កប៉ះពាល់យ៉ាងខ្លាំងដល់សកម្មភាពពាណិជ្ជកម្មនៅក្នុងប្រទេសកម្ពុជាអស់រយៈពេលជាង ១ឆ្នាំកន្លះកន្លងមកនេះ។