មន្ត្រីជាន់ខ្ពស់ក្រសួងឧស្សាហកម្ម អះអាងថា ក្រុមហ៊ុនផលិតស្ករស KSL ដែលប្រកាសដកការវិនិយោគពីកម្ពុជា កាលពីពេលថ្មីៗ មិនបានចុះបញ្ជីវិនិយោគនៅកម្ពុជានោះទេ
ដោយ
កាសែតបាងកកប៉ុស្តិ៍បានចុះផ្សាយកាលពីពេលថ្មីៗថា មានក្រុមហ៊ុនផលិតស្ករសធំបំផុតលំដាប់ទី៣របស់ថៃ KSL បានសម្រេចដកការវិនិយោគចេញពីកម្ពុជា ក្រោមហេតុផលកម្ពុជាបាត់បង់ប្រព័ន្ធអនុគ្រោះពន្ធ GSP, ទីផ្សារកម្ពុជា មានសន្ទុះកំណើនយឺត និងតម្លៃស្ករស បានធ្លាក់ចុះជាដើម។ តែយ៉ាងណាជុំវិញបញ្ហានេះ មន្ត្រីជាន់ខ្ពស់នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍បានអះអាងថា ក្រុមហ៊ុនផលិតស្ករសរបស់ថៃនេះ មិនមានការចុះបញ្ជីវិនិយោគនៅកម្ពុជានោះទេ ហើយក៏ពុំទាន់មានការស្នើសុំបង្កើតរោងចក្រណាមួយនៅកម្ពុជានោះដែរ។