#ក្រុមហ៊ុនបណ្ដាញសង្គម ទ្វីតធឺ

មនុស្សល្បីៗជាច្រើនដែលប្រើប្រព័ន្ធផ្សព្វផ្សាយតាមបណ្ដាញ ទ្វីតធឺ កំពុងបាត់សញ្ញាពណ៌ខៀវដែលបានជួយផ្ទៀងផ្ទាត់អត្តសញ្ញាណពិតប្រាកដពួកគេ ឱ្យប្លែកពីអ្នកក្លែងបន្លំនៅលើកម្មវិធីប្រព័ន្ធផ្សព្វផ្សាយសង្គមនេះ។ គ្រប់គ្រងដោយលោក អេឡុន មុស្ក៍ (Elon Musk) ក្រុមហ៊ុន ទ្វីតធឺ បានចាប់ផ្ដើមដកសញ្ញាពណ៌ខៀវនោះចេញពីគណនីអ្នកប្រើប្រាស់ណាដែលមិនបានបង់ប្រាក់ប្រចាំខែទៅឱ្យក្រុមហ៊ុន។ នេះបើតាមការចេញផ្សាយរបស់សារព័ត៌មាន អេភី របស់អាមេរិក។