#កូវ៉ាក់

ធនាគារពិភពលោក និង កម្មវិធីកូវ៉ាក់របស់អង្គការសុខភាពពិភពលោក បង្ហាញនូវយន្តការហិរញ្ញប្បទាន ដើម្បីពន្លឿនការផ្គត់ផ្គង់វ៉ាក់សាំងកូវីដ-១៩ ដល់ប្រទេសកំពុងអភិវឌ្ឍន៍ក្រីក្រដែលមានអត្រាការចាក់ថ្នាំបង្ការការពារកូវីដ-១៩ទាប ខណៈដែលមេរោគបំប្លែងខ្លួនថ្មីៗកាចសាហាវបានបន្តរីកសាយភាយស្ទើតែពេញពិភពលោកកាន់តែខ្លាំង។ យន្ដការនេះ នឹងចែកចាយវ៉ាក់សាំងសម្រាប់ប្រទេសដែលមានប្រាក់ចំណូលទាប និង មធ្យម ចំនួន៩២ ប្រទេស ដែលមានចំនួនវ៉ាក់សាំងប្រមាណ ៤៣០លានដូសនៅចុងឆ្នាំ ២០២១ និងពាក់កណ្តាលឆ្នាំ ២០២២ ។ នេះបើតាមការចុះផ្សាយរបស់សារព័ត៌មានរ៉យទ័រ។