#លទ្ធផល​បោះ​ឆ្នោត

លោកអេម៉ានូអេល ម៉ាក្រុង បានជាប់ឆ្នោតជាប្រធានាធិបតីបារាំងសម្រាប់អាណត្តិទី២របស់លោក ក្រោយយកឈ្នះលើគូប្រជែងគឺលោកស្រី ម៉ារីន ឡឺផេន ក្នុងសម្លេងឆ្នោតជាង ៥៨%ទល់នឹងជាង ៤១% ក្រោយការបោះឆ្នោតបានបញ្ចប់ទៅ និងត្រូវបានប្រកាសលទ្ធផលកាលពីថ្ងៃអាទិត្យទី២៤មេសា។ ជោគជ័យរបស់លោកម៉ាក្រុងបានធ្វើឲ្យប្រធានាធិបតីវ័យ៤៤ឆ្នាំរូបនេះ ក្លាយជាប្រធានាធិបតីដំបូងគេក្នុងរយៈពេល២០ឆ្នាំចុងក្រោយនេះ ដែលបានជាប់ឆ្នោត២អាណត្តិជាប់គ្នា រាប់ចាប់តាំងពីជំនាន់ប្រធានាធិបតី ហ្សាក់ ស៊ីរ៉ាក់ (Jacques Chirac) កាលពីឆ្នាំ២០០២។