#លោក ពូទីន បដិសេធចំណុចខ្លះនៃផែនការសន្តិភាព

ប្រធានាធិបតិរុស្ស៊ី លោក វ្ល៉ាឌីមៀ ពូទីន កាលពីថ្ងៃសៅរិ៍ ទី ១៧ មិថុនា បានទទួលជួបមេដឹកនាំនៃក្រុមប្រទេសអាហ្វ្រិក នៅជាយទីក្រុង សាំង ផេធើសប៊ើក ប្រទេសរុស្ស៊ី។ បេសកជនអាហ្វ្រិកកំពុងស្វែងរកការផ្សះផ្សាដើម្បីបញ្ចប់សង្គ្រាមនៅអ៊ុយក្រែនដ៏អូសបន្លាយ។ លោក ពូទីន បានបង្ហាញការជំទាស់នឹងសំណើមួយចំនួនក្នុងផែនការសន្តិភាពរបស់ទ្វីបអាហ្វ្រិក និងបានលើកឡើងពីហេតុផលមួយចំនួន។ មុននេះ ផែនការសន្តិភាពរបស់អាហ្វ្រិកក៏ត្រូវបានច្រានចោលពីសំណាក់ទីក្រុងកៀវដែរ ដោយអ៊ុយក្រែននៅតែទទួចឱ្យរុស្ស៊ីដកទ័ពចេញពីទឹកដីរបស់ខ្លួនសិន។