#នយោបាយអាមេរិក-ចិន

ប្រធានាធិបតីអាមេរិក លោក ចូ បៃដិន កាលពីថ្ងៃសុក្រ បាននិយាយថា លោកអាចនឹងកំណត់ឱ្យមានជំនួបទល់មុខផ្ទាល់មួយជាមួយលោក ស៊ី ជិនពីង ប្រធានាធិបតីចិន នៅខែក្រោយក្នុងទីក្រុងសានហ្វ្រេនស៊ីស្កូ សហរដ្ឋអាមេរិក។ កម្មវត្ថុនៃជំនួបទ្វេភាគីនៃប្រទេសគូប្រជែងនឹងគ្នានេះ គឺសហរដ្ឋអាមេរិកចង់រៀបចំការប្រកួតប្រជែង និងបន្ធូរបន្ថយភាពតានតឹងនឹងគ្នាឡើងវិញ ក្រោយអាក់ខានការពិភាក្សាមួយទល់នឹងមួយ ក្នុងកម្រិតមេដឹកនាំកំពូលនៃមហាអំណាចទាំងពីរជិតមួយឆ្នាំមកនេះ។