#បេក្ខភាពប្រធានាធិបតី

បញ្ហាសេដ្ឋកិច្ចបានក្លាយជាសមរភូមិវោហារសព្ទដ៏ក្តៅគគុកក្នុងវេទិកាដេញដោលជាសាធារណៈលើកដំបូងរវាងបេក្ខភាពប្រធានាធិបតីអាម៉េរិកទាំងពីរ គឺលោកស្រី កាម៉ាឡា ហារីស និងលោក ដូណាល់ ត្រាំ ដែលប៉ុនប៉ងវិលមកគ្រប់គ្រងសេតវិមានជាថ្មីតាមការបោះឆ្នោតនៅក្នុងខែវិច្ឆិកា ខាងមុខ។ ក្នុងនោះលោកស្រី ហារីស បេក្ខភាពរបស់គណបក្សប្រជាធិបតេយ្យ បានសំពងលោក ត្រាំ លើបញ្ហាពន្ធ ខណៈលោក ត្រាំ បេក្ខភាពរបស់គណបក្សសាធារណរដ្ឋ បានវាយបកលើបញ្ហាអតិផរណា ដែលអាម៉េរិកំពុងពើបប្រទះ។