#អាស៊ានមិនត្រូវការជ្រើសរើសមហាអំណាចណាមួយទេ

ថ្លែងចេញពីវេទិកាសេដ្ឋកិច្ចពិភពលោក នៅទីក្រុងដាវ៉ូស-ក្លូស្ទើរ ប្រទេសស្វីស នាថ្ងៃទី២៤ ខែឧសភា ឆ្នាំ២០២២ ក្នុងនាមកម្ពុជា គឺជាប្រធានអាស៊ានឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងគូសបញ្ជាក់ចំៗ នៅមុខបណ្ដាថ្នាក់ដឹកនាំ និងឥស្សរជនសំខាន់ៗជាច្រើនថា អាស៊ានមិនត្រូវការជ្រើសរើសមហាអំណាចណាមួយនោះឡើយ។ ជាមួយគ្នានោះ សម្ដេចក៏បានសង្កត់ធ្ងន់ដែរថា អាស៊ានក៏មានគំនិតផ្ដួចផ្ដើមសម្រាប់តំបន់ខ្លួនផងដែរ ដូច្នេះ អាស៊ានមិនមែនចាំបាច់ត្រូវតែគាំទ្រអ្នកដទៃនោះទេ ប៉ុន្ដែសុំឲ្យអ្នកដទៃជួយគាំទ្រអាស៊ានវិញ។