រដ្ឋាភិបាលឡាវប្រាប់ពលរដ្ឋកុំចេញធ្វើដំណើរបើមិនចាំបាច់ ខណៈកង្វះខាតប្រេងឥន្ធនៈមិនទាន់ដោះស្រាយបាន
ដោយ
ក្រសួងឧស្សាហកម្ម និងពាណិជ្ជកម្មឡាវ រួមជាមួយសមាគមប្រេងឥន្ធនៈ និងឧស្ម័នឡាវ បានជំរុញនិងលើកទឹកចិត្តឲ្យប្រជាជនសន្សំសំចៃការប្រើប្រាស់ប្រេងឥន្ធនៈ តាមរយៈការកុំធ្វើដំណើរទៅណាផ្តេសផ្តាស បើសិនជាមិនមានករណីចាំបាច់ណាមួយនោះ។ ការអំពាវនាវរបស់រដ្ឋាភិបាលក្រុងវៀងចន្ទន៍ដូចនេះ ធ្វើឡើងស្របពេលដែលវិបត្តិខ្វះខាតប្រេងឥន្ធនៈនៅក្នុងប្រទេសឡាវ បន្តជាប់គាំងមិនទាន់អាចរកផ្លូវចេញបាននៅឡើយ។ នេះបើតាមការចុះផ្សាយដោយសារព័ត៌មានក្នុងស្រុករបស់ឡាវ LAOTIAN TIMES។