ការនាំចេញម្រេចកំពតសម្រេចបានជាង ១៦តោន នៅ៤ខែឆ្នាំនេះ និងរំពឹងកំណើនខ្ពស់ ក្រោយទីផ្សារចិនបើកចំហរ
ដោយ
ប្រធានសមាគមម្រេចកំពត បានអះអាងថា នៅរយៈពេល៤ខែដើមឆ្នាំ២០២៣នេះ ការនាំចេញម្រេចកំពតទៅកាន់ទីផ្សារអន្តរជាតិសម្រេចបានត្រឹមតែប្រមាណជាង ១៦តោនប៉ុណ្ណោះ ដែលបរិមាណនាំចេញនេះ មិនមានការប្រែប្រួលទេបើធៀបទៅនឹងការនាំចេញនៃរយៈពេលដូចគ្នាកាលពីឆ្នាំមុន។ ទោះយ៉ាងណា ប្រធានសមាគមម្រេចកំពត រំពឹងថា ការនាំចេញម្រេចកំពតសម្រាប់ពេញមួយឆ្នាំ២០២៣ នឹងមានការកើនឡើងជាងឆ្នាំ២០២២ ដ្បិតថា ប្រទេសចិនថ្មីៗនេះ ទើបតែបានអនុញ្ញាតឱ្យម្រេចកម្ពុជាអាចនាំចេញទៅប្រទេសចិនបាន។