#សាច់គោពីអូស្រ្តាលី

ប្រទេសឥណ្ឌូនេស៊ី ដែលគេស្គាល់ថា ជាប្រទេសកាន់សាសនាមូស្លីម ដែលមានប្រជាពលរដ្ឋច្រើនជាងគេនៅក្នុងតំបន់អាស៊ីអាគ្នេយ៍នោះ បានដាក់ផែនការកាត់បន្ថយការនាំចូលសត្វគោពីប្រទេសអូស្រ្តាលី ហើយងាកទៅរកទីផ្សារនៅអាហ្រ្វិកខាងត្បូង និង ម៉ិកស៊ិកជំនួសវិញ។ ការបញ្ចេញផែនការកាត់បន្ថយការនាំចូលគោពីអូស្ត្រាលីនេះ ក្រោមហេតុផលថា ឥណ្ឌូនេស៊ីមិនអាចពឹងផ្អែកតែលើទីផ្សារអូស្ត្រាលីតែមួយនោះទេ ខណៈតម្លៃគោអូស្ត្រាលី ក៏មានការកើនឡើងជារៀងរាល់ឆ្នាំផងនោះ។ នេះបើតាមការអះអាងរបស់មន្ត្រីជាន់ខ្ពស់ឥណ្ឌូនេស៊ីនៅក្នុងកាសែតក្នុងស្រុកនៃប្រទេសនេះ។