សហជីពកម្មករ និងសម្ព័ន្ធសហគ្រាសផលិតអាម៉េរិក ស្នើឱ្យក្រុងវ៉ាស៊ីនតោន អនុម័តរបាំងពាណិជ្ជកម្មកាន់តែរឹងមាំលើទំនិញនាំចូលពីចិន
ដោយ
ក្រុមគោលនយោបាយមួយដែលដឹកនាំដោយសហជីពកម្មករអាម៉េរិក ហៅកាត់ USW ដែលមានសមាជិកច្រើនរហូតដល់ទៅ១,២លាននាក់ និងសម្ព័ន្ធដើម្បីសហគ្រាសផលិតអាម៉េរិក ហៅកាត់ថា AAM កំពុងស្នើឱ្យសហរដ្ឋអាម៉េរិក អនុម័តរបាំងពាណិជ្ជកម្មកាន់តែរឹងមាំប្រឆាំងទំនិញនាំចូលរបស់មហាយក្សចិន បន្ទាប់ពីប្រធានាធិបតីអាម៉េរិក លោក ចូ បៃឌិន បានដំឡើងពន្ធយ៉ាងខ្ពស់លើរថយន្តអគ្គិសនី បន្ទះសូឡា និងទំនិញយុទ្ធសាស្ត្រផ្សេងៗទៀតរបស់ប្រទេសចិន។ នេះបើយោងតាមការចុះផ្សាយរបស់សារព័ត៌មានធំៗជាច្រើន។