#សំណង់

តម្លៃដែក និង ដែកថែបនៅកម្ពុជា ដែលជាតម្រូវការចាំបាច់សម្រាប់វិស័យសំណង់នៅមួយរយៈចុងក្រោយនេះ បានហក់ឡើងថ្លៃខ្ពស់ចន្លោះពី ៧០០ដុល្លារ ទៅ ៨០០ដុល្លារក្នុង១តោន ពោលគឺក្នុងមួយតោនឡើងថ្លៃខ្ពស់ជាងមុនចន្លោះ ២រយ ទៅ៣រយដុល្លារអាមេរិកឯណោះ ។ បច្ចុប្បន្នតម្លៃដែកនៅកម្ពុជាឡើងថ្លៃខ្លាំងនេះ កំពុងបង្កជាក្តីបារម្ភដល់អ្នកលក់ ក៏ដូចជាអ្នកម៉ៅការសាងសង់សំណង់ផ្សេងៗផងដែរ ដ្បិតថា វាបានទាញទម្លាក់បរិមាណការលក់ និងធ្វើឲ្យបាត់បង់ប្រាក់ចំណូលសម្រាប់ក្រុមហ៊ុនម៉ៅការសំណង់ជាដើម។