#សង្គ្រាមត្រជាក់ថ្មី

អគ្គលេខាធិការអង្គការសម្ព័ន្ធយោធាណាតូ លោក ជេន ស្តូលេនបឺក(Jens Stoltenberg) បានចាប់ផ្តើមទស្សនកិច្ចមកកាន់តំបន់អាស៊ី ដោយលោកបានមកដល់ទឹកដីប្រទេសកូរ៉េខាងត្បូងកាលពីថ្ងៃអាទិត្យទី២៩មករា មុនបន្តដំណើរទៅកាន់ប្រទេសជប៉ុននៅថ្ងៃចន្ទទី៣០។ ទស្សនកិច្ចនេះ គឺដើម្បីពង្រឹងទំនាក់ទំនងជាមួយប្រទេសសម្ព័ន្ធមិត្តរបស់សហរដ្ឋអាមេរិកនៅអាស៊ីបូព៌ាទាំងពីរ ក្នុងការពួតដៃគ្នាគាំទ្រអ៊ុយក្រែន ក្នុងសង្គ្រាមជាមួយរុស្ស៊ី និងក៏ដូចជា ប្រឈមមុខជាមួយនឹងការរះត្រដែងឡើងរបស់ប្រទេសចិនក្នុងតំបន់ផងដែរ។