#ស្រាបៀរ

អភិបាលខេត្តកំពង់ស្ពឺបានបញ្ជាក់ប្រាប់សារព័ត៌មានខេមបូណូមីសថា វិធានការរុះរើផ្ទាំងប៉ាណូផ្សព្វផ្សាយស្រាបៀរនៅទូទាំងខេត្តកំពង់ស្ពឺ មិនទាន់រួចរាល់តាមការកំណត់របស់រដ្ឋបាលខេត្តទាំងស្រុងនោះទេ។ ជាក់ស្តែង រហូតមកទល់ពេលនេះយុទ្ធនាការរុះរើផ្ទាំងផ្សព្វផ្សាយស្រាបៀរនេះ ទើបតែសម្រេចបានប្រមាណ៧០% ទៅ៨០% ប៉ុណ្ណោះ ខណៈរដ្ឋបាលខេត្តកំពង់ស្ពឺ ក៏បានសម្រេចនឹងបន្ដទុកពេលសម្រាប់ការរុះរើនេះ រហូតដល់ត្រឹមពាក់កណ្តាលខែមិថុនា។ ជុំវិញទៅនឹងការដាក់ចេញវិធានការរបស់រដ្ឋបាលខេត្តកំពង់ស្ពឺនេះ ក៏ទទួលបានមតិគាំទ្រ និងមានមតិរិះគន់ផងដែរ។