#តម្លៃមាសកម្ពុជា

តម្លៃមាសនៅលើទីផ្សារកម្ពុជានៅថ្ងៃទី១៣ ខែកញ្ញា ឆ្នាំ២០២៤នេះ បានបំបែកកំណត់ត្រាខ្ពស់បំផុតមិនធ្លាប់មានពីមុនមក ពោលគឺមាស១តម្លឹងអាចលក់ចេញបានរហូតដល់ជាង៣,០៩០ដុល្លារឯណោះ។ ហាងឆេងមាសហក់ឡើងថ្លៃខ្ពស់នេះ ត្រូវបានអ្នកជំនាញអះអាងថា កើតឡើងដោយសារតែ ឥទ្ធិពលនៃការទទួលបានតម្រុយពីការកាត់បន្ថយអត្រាការប្រាក់របស់ធនាគារកណ្តាលអាម៉េរិក។ អ្នកជំនាញក្នុងទីផ្សារជួញដូរមាសនៅកម្ពុជាវាយតម្លៃថា ហាងឆេងមាសនៅកម្ពុជា ក៏ដូចជាលើទីផ្សារអន្តរជាតិទំនងជាអាចហក់ឡើងថ្លៃបន្តទៀតផងដែរ។