#ដំណាំស្រូវ

រដ្ឋបាលខេត្តពោធិ៍សាត់ បានណែនាំឱ្យប្រជាកសិករផ្អាកការងារបង្កបង្កើនផលស្រូវនៅរដូវប្រាំងលើកទី២របស់ខ្លួន ដើម្បីទល់ស្តាត់កុំឱ្យខ្វះទឹកសម្រាប់ប្រើប្រាស់ និងបញ្ចៀសការខាតបង់។ តែយ៉ាងណា ប្រធានមន្ទីរកសិកម្មខេត្តពោធិ៍សាត់អះអាងថា ការផ្អាកធ្វើស្រូវប្រាំងលើកទី២នេះ មិនបានប៉ះពាល់ដល់ការប្រមូលផលស្រូវសម្រាប់ផ្គត់ផ្គង់ទីផ្សារក្នុងស្រុក និងនាំចេញរបស់ខេត្តពោធិ៍សាត់នោះទេ ដ្បិតថា ការធ្វើស្រូវប្រាំងលើកទី១មានចំនួនច្រើនលើសលប់ និងទទួលបានទិន្នផលច្រើនរួចទៅហើយ។