#វិស័យកាត់ដេរនៅកម្ពុជា​

ថ្នាក់ដឹកនាំជាន់ខ្ពស់នៃសមាគមរោងចក្រកាត់ដេរកម្ពុជា ហៅកាត់ថា(GMAC) បានលើកឡើងថា បើទោះបីជាមានការកើនឡើងនៃការរាលដាលឆ្លងជំងឺកូវីដ-១៩ នៅក្នុងសហគមន៍ក៏ពិតមែន ក៏ប៉ុន្តែដំណើរការរោងចក្រកាត់ដេរនៅបន្តប្រតិបត្តិការជាធម្មតា។យ៉ាងណាក៏ដោយចុះ ខាងសមាគមរោងចក្រកាត់ដេរកម្ពុជា ក៏មានការបារម្ភនៅក្នុងអំឡុងពេលវិបត្តិរីករាលដាលឆ្លងជំងឺកូវីដ-១៩ កំពុងតែបនុ្តរាតត្បាតខ្លាំងនៅពេលនេះ ដ្បិតថា បើសិនជាមានករណីឆ្លងចូលរោងចក្រកើតឡើងខ្លាំង បញ្ហាវានឹងធ្វើឲ្យវិស័យកាត់ដេរនេះ ជួបបញ្ហាកាន់តែយ៉ាប់យ៉ឺនជាក់ជារំខាន។