#វិស័យសហគ្រាសខ្នាតតូចនិងមធ្យម

ថ្នាក់ដឹកនាំជាន់ខ្ពស់នៃក្រសួងសេដ្ឋកិច្ច និងហិរញ្ញវត្ថុបានអះអាងថា វិស័យសហគ្រាសខ្នាតតូច និងមធ្យម (SME) បានដើរតួនាទីយ៉ាងសំខាន់នៅក្នុងការជំរុញកំណើនសេដ្ឋកិច្ច ពោលគឺវិស័យនេះ រួមចំណែកប្រមាណ៦០% នៃផលិតផលក្នុងស្រុកសរុប ព្រមទាំងបានបង្កើតការងារប្រមាណ ៧០% នៅក្នុងសេដ្ឋកិច្ចជាតិផងដែរ។ បើទោះជាបែបនេះក្ដី ក្រសួងសេដ្ឋកិច្ចទទួលស្គាល់ថា វិស័យ SME នៅជួបប្រទះនូវបញ្ហាប្រឈមមួយចំនួននៅឡើយ ដែលទាមទារឲ្យក្រសួងពាក់ព័ន្ធរួមគ្នាដោះស្រាយបន្ថែមទៀត ជាពិសេសទាក់ទងនឹងខ្សែចង្វាក់ផលិតកម្ម តែម្ដង។