#ការផ្សាយព័ត៌មានមិនពិត

ក្រុមហ៊ុនសារព័ត៌មាន ហ្វកស៍ ញូស៍ (Fox News) កាលពីថ្ងៃអង្គារ បានយល់ព្រមបង់ប្រាក់ឱ្យក្រុមហ៊ុន ដូមីនៀន (Dominion) ក្នុងទំហំទឹកប្រាក់ $787 លានដុល្លារ ដើម្បីបញ្ចៀសការជុំនំជម្រះតាមផ្លូវតុលាការលើពាក្យបណ្តឹងរបស់ក្រុមហ៊ុនផលិតសម្ភារៈបម្រើឱ្យការបោះឆ្នោតនៅសហរដ្ឋអាមេរិកនេះ។ ការព្រមព្រៀងទូទាត់នេះបានកើតឡើង ក្រោយពីសារព័ត៌មានដ៏ពេញនិយមនៅសហរដ្ឋអាមេរិកមួយនេះ បណ្ដោយឱ្យមានរបាយការណ៍មិនត្រឹមត្រូវអំពីការបោះឆ្នោតប្រធានាធិបតីកាលពីឆ្នាំ២០២០ ផ្សព្វផ្សាយនៅលើបណ្ដាញរបស់ខ្លួន។