អ្នកសៀមរាប៖ ភាពស្ងាត់ជ្រងំនៅ Pub Street ជាព្រឹត្តការណ៍ប្រវត្តិសាស្ត្រដែលមិនធ្លាប់មាន
ដោយ
ខេត្តសៀមរាប ធ្លាប់តែជាខេត្តល្បីល្បាញថាមានភ្ញៀវជាតិ និងអន្តរជាតិចេញចូលមិនដាច់ ជាពិសេសនៅតំបន់ Pub Street ជាទីប្រជុំការកម្សាន្តនិងហាងអាហារជាច្រើន ដែលអ្នកទៅដល់ខេត្តសៀមរាប មិនដែលមើលរំលងនោះទេ។ តែគ្រប់យ៉ាងបានផ្លាស់ប្តូរស្ទើរតែទាំងស្រុង ទីប្រជុំ ជនដ៏មមាញឹកនេះ បានប្រែក្លាយជាស្ងាត់ជ្រងំ បាត់អស់ភ្លើងពណ៌ចម្រុះ ហាងលក់ស្រាបៀរ សំឡេងសើចសប្បាយ ការប្រគំតន្ត្រីចម្រៀង និងបានក្លាយទៅជាវិថីមួយ ដែលមានតែហាងបីទៅបួនបើកទ្វារទទួលភ្ញៀវ ដែលសូម្បីតែថ្ងៃខ្លះ គ្មានភ្ញៀវម្នាក់ផងទេ នេះក៏ព្រោះវីរុស Covid-19។