#អត្រាការប្រាក់

សមាគមគមធនាគារ និងសមាគមមីក្រូហិរញ្ញវត្ថុនៅកម្ពុជា នៅថ្ងៃទី ១០ ខែមេសា បានអះអាងថា សមាជិករបស់សមាគមទាំងអស់នឹងពិភាក្សាគ្នាបន្ថែម និងឈានទៅអនុវត្តការបញ្ចុះអត្រាការប្រាក់បញ្ញើអតិថិជននៅសប្ដាហ៍ក្រោយនេះ។ គម្រោងបញ្ចុះអត្រាការប្រាក់បញ្ញើអតិថិជននេះ ធ្វើឡើងនៅក្រោយពីមានការស្នើសុំពីប្រមុខរាជរដ្ឋាភិបាលកម្ពុជា ក្នុងគោលបំណងជួយឲ្យគ្រឹះស្ថានហិរញ្ញវត្ថុទាំងនោះ អាចមានលទ្ធភាពឈានទៅបញ្ចុះអត្រាការប្រាក់កម្ចីសម្រាប់អ្នកខ្ចីប្រាក់ដែរ។