#សហរដ្ឋអាមេរិកត្រៀមផ្ដល់គ្រាប់បែកចង្កោមទៅឱ្យអ៊ុយក្រែន

សហរដ្ឋអាមេរិកបានប្រកាសកាលពីថ្ងៃសុក្រទី៧ខែ កក្កដាថា ខ្លួននឹងផ្គត់ផ្គង់ដល់អ៊ុយក្រែននូវគ្រាប់បែកចង្កោម ដែលត្រូវបានហាមឃាត់យ៉ាងទូលំទូលាយពីសហគមន៍អន្តរជាតិ សម្រាប់ទប់ទល់និងវាយប្រហារលើកងទ័ពរុស្ស៊ី។ ក្រោយការប្រកាសនេះ មេដឹកនាំប្រទេសសមាជិកអង្គការណាតូបាននិយាយថា នៅក្នុងកិច្ចប្រជុំកំពូលសម្ព័ន្ធមិត្តណាតូនៅសប្តាហ៍ក្រោយនេះ ការចូលជាសមាជិកភាពរបស់អ៊ុយក្រែន នឹងក្លាយជារបៀបវារៈសំខាន់ផងដែរ។ នេះបើតាមការចុះផ្សាយដោយសារព័ត៌មានអន្តរជាតិធំៗជាច្រើន។