#ពិធីបុណ្យឯករាជ្យជាតិ

នៅថ្ងៃទី៩ ខែវិច្ឆិកា ឆ្នាំ២០២៣នេះ កម្ពុជាបានរៀបចំពិធីអបអរសាទរខួប៧០ឆ្នាំនៃទិវាបុណ្យឯករាជ្យជាតិ ៩ វិច្ឆិកា និងទិវាកំណើតនៃកងយោធពលខេមរភូមិន្ទ ដែលជាទិវាប្រវត្តិសាស្ត្រដ៏មានតម្លៃរបស់មាតុភូមិកម្ពុជាដែលបានទទួលនូវឯករាជ្យបរិបូណ៌ និងសិទ្ធិសេរីភាពពេញលេញពីអាណានិគមនិយមបារាំង។ព្រះមហាក្សត្រកម្ពុជា បានចាត់ទុកទិវានេះ គឺជាការរំលឹកពីគុណបំណាច់នៃការទាមទារឯករាជ្យពីបារាំង ក្រោមព្រះរាជកិច្ចដឹកនាំដ៏ឈ្លាសវៃរបស់ព្រះមហាវីរក្សត្រព្រះ នរោត្តម សីហនុ ព្រះវររាជបិតាជាតិខ្មែរ "ព្រះករុណាព្រះបរមរតនកោដ្ឋ”។