#ពូទីនជាមនុស្សស្រែកឃ្លានទឹកដី និងអំណាច

ក្នុងពិធីបិទបញ្ចប់កិច្ចប្រជុំកំពូលណាតូកាលពីថ្ងៃពុធទី១២ ខែកក្កដា លោកចូ បៃដិន ប្រធានាធិបតីអាមេរិកបានចោទប្រធានាធិបតីរុស្ស៊ីលោក វ៉្លាឌីមៀ ពូទីន ជាមនុស្សដែលមាន«ចិត្តស្រែកឃ្លានទឹក ដីនិងអំណាច»។ ក្នុងនោះដែរ សម្ព័ន្ធមិត្តទាំង៣១ប្រទេសនៃប្លុកយោធានេះ ក៏បានយល់ព្រមរួមគ្នាផ្តល់ការធានាសន្តិសុខថ្មីសម្រាប់អ៊ុយក្រែនដែរ ដើម្បីទប់ទល់នឹងទីក្រុងម៉ូស្គូ បើទោះបីជាមិនទាន់អនុញ្ញាតឲ្យអ៊ុយក្រែនចូលជាសមាជិកភ្លាមៗក្ដី។