#ចរាចរណ៍នាវាដឹកទំនិញចេញ-ចូល

បើទោះជាពិភពលោកបន្តស្ថិតក្នុងបរិបទនៃការរាតត្បាតជំងឺកូវីដ១៩ និងសង្រ្គាមរវាងរុស្សីនិងអ៊ុយក្រែន ប៉ុន្ដែសកម្មភាពដឹកជញ្ជូនទំនិញតាមកំពង់ផែស្វយ័តភ្នំពេញនៅតែមានដំណើរការយ៉ាងល្អប្រសើរ។ ជាក់ស្ដែង អគ្គនាយកកំពង់ផែស្វយ័តភ្នំពេញ ឯកឧត្តម ហ៊ី ប៉ាវី បានគូសបញ្ជាក់ថា សកម្មភាពនាវាដែលចេញ-ចូលកំពង់ផែស្វយ័តភ្នំពេញ រយៈពេល ៥ខែ ក្នុងឆ្នាំនេះ ហាក់មានកំណើនគួរឲ្យកត់សម្គាល់ ពិសេសនាវាដែលដឹកជញ្ជូនផលិតផលកាត់ដេរ និងផលិតផលកសិកម្មតែម្ដង។