#ការ​ដោះ​ដូរ

ស្ថានភាពដោះដូរទំនិញរវាងកម្ពុជា និង ថៃនៅរយៈពេល៥ខែដំបូងនៅឆ្នាំ២០២១នេះ ហាក់មិនទាន់មានភាពល្អប្រសើរនៅឡើយទេ។ ជាក់ស្ដែង ទឹកប្រាក់នៃការដោះដូរពាណិជ្ជកម្មទ្វេភាគីរវាងថៃ និង កម្ពុជា សម្រេចបានក្នុងទំហំទឹកប្រាក់សរុបជាង ៣ពាន់៣រយលានដុល្លារ ធ្លាក់ចុះ៥% ធៀបនឹងរយៈពេលដូចគ្នាកាលពីឆ្នាំមុន។ ក្នុងនោះ ការនាំចេញរបស់កម្ពុជាទៅថៃបានធ្លាក់ចុះដល់ទៅ ៣៧% ប៉ុន្ដែ ការនាំចូលពីថៃមកវិញមានការកើនឡើង៣%ទៅវិញ។ នេះបើតាមរបាយការណ៍ពីស្ថានទូតកម្ពុជាប្រចាំប្រទេសថៃ។