#ការត្រួតពិនិត្យជាតិអាល់កុល

អ្នកនាំពាក្យស្នងការដ្ឋាននគរបាលរាជធានីភ្នំពេញបានឱ្យដឹងថា នៅក្នុងប្រតិបត្តិការត្រួតពិនិត្យជាតិអាល់កុលលើអ្នកបើកបររយៈប៉ុន្មានថ្ងៃកន្លងទៅនេះ សមត្ថកិច្ចបានឃាត់យានយន្តល្មើសបានចំនួន២០៤គ្រឿង និងពិន័យជាថវិកានៅនឹងកន្លែង ប៉ុន្តែពុំមានបញ្ជូនអ្នកបើកបរមានឥទ្ធិពលស្រវឹងលើសច្បាប់កំណត់ទៅតុលាការនោះឡើយ ខណៈប្រតិបត្តិការនេះនឹងបន្តធ្វើជារៀងរាល់ថ្ងៃ ក្នុងន័យចាប់បង្ខំពលរដ្ឋឱ្យគោរពច្បាប់ចរាចរណ៍ ដើម្បីឈានដល់ការកាត់បន្ថយគ្រោះថ្នាក់នៅលើដងផ្លូវ។