#កម្មវិធីប្រកួតប្រជែង «ផ្ទះខ្ញុំស្អាត»

នៅទីបំផុត កម្មវិធីប្រកួតប្រជែង «ផ្ទះខ្ញុំស្អាត» របស់គម្រោងលំនៅតម្លៃសមរម្យទីក្រុងរណបសិរីមង្គល បានរកឃើញមានម្ចាស់ជ័យលាភីចំនួន៥នាក់ ក្រោយពីបានវាយតម្លៃយ៉ាងល្អិតល្អន់ពីគណៈកម្មការជំនាញចំនួន៣ជុំរួចមក។ ក្នុងពិធីប្រកាសម្ចាស់ជ័យលាភីប្រចាំកម្មវិធី ផ្ទះខ្ញុំស្អាតនោះដែរ ក្រុមអ្នកទទួលបានជ័យលាភីបានចាត់ទុក កម្មវិធីប្រលងប្រជែងនេះ ជាកម្មវិធីមួយដ៏ល្អក្នុងការជួយលើកកម្ពស់បរិស្ថាន និងការរស់នៅបែបសហគមន៍របស់ប្រជាពលរដ្ឋ ហើយវាក៏ជាកម្មវិធីគំរូមួយដែលគម្រោងលំនៅឋានផ្សេងៗគួរតែអនុវត្តតាមផងដែរ។