#កូនប្រុសអតីតមេដឹកនាំផ្តាច់ការ

ប្រទេសហ្វីលីពីនបានបិទបញ្ចប់ហើយនូវការបោះឆ្នោតសកល កាលពីល្ងាចថ្ងៃចន្ទទី០៩ឧសភា ដើម្បីជ្រើសរើសសមាជិកសភា ព្រឹទ្ធិសភា អភិបាលខេត្ត ព្រមទាំងតំណាងមូលដ្ឋាន និងជាពិសេសគឺដើម្បីជ្រើសរើសប្រធានាធិបតីថ្មី មកស្នងដំណែងប្រធានាធិបតីឌុយទែរតេ។ ជាលទ្ធផលក្រោយការរាប់សន្លឹកឆ្នោតនៅក្នុងថ្ងៃដដែល និងដែលត្រូវបានចុះផ្សាយព្រោងព្រៀតលើសារព័ត៌មានធំៗជាច្រើននៅថ្ងៃនេះ លោកហ្វឺឌីណាន់ ម៉ាកូស ជូនៀ (Ferdinand Marcos Jr) បានជាប់ឆ្នោតក្នុងសម្លេងដ៏ច្រើនលើសលុប ក្លាយជាប្រធានាធិបតីថ្មីរបស់ហ្វីលីពីន។