#នាយកដ្ឋានកសិកម្ម

ក្រុមប្រជាកសិករអះអាងថា ពួកគាត់នៅតែប្រឈមនឹងការលំបាក និងមិនទាន់បានយល់ដឹងច្បាស់នៅឡើយអំពីស្ដង់ដារនៃការដាំដុះស្វាយដើម្បីនាំចេញត្រង់ទៅកាន់ទីផ្សារក្រៅប្រទេស ដូច្នេះហើយពួកគាត់នៅតែបន្ដពឹងផ្អែកលើឈ្មួញកណ្ដាល។ មន្ត្រីជាន់ខ្ពស់ ក្រសួងកសិកម្មអះអាងដែរថា បញ្ហាប្រឈមច្រើនរបស់កសិករដាំស្វាយបច្ចុប្បន្ន គឺដោយសារតែពួកគាត់នៅមិនទាន់បានចងក្រងជាសហគមន៍ និងមិនមានទំនាក់ទំនងជិតស្និទ្ធជាមួយនឹងក្រុមហ៊ុននាំចេញស្វាយ ដូច្នេះហើយទើបពួកគាត់មិនអាចដាំដុះស្វាយបានត្រឹមត្រូវទៅតាមស្ដង់ដារនាំចេញ។