#បទឈប់បាញ់

ភាគីអ៊ុយក្រែនសង្ឃឹមថា កិច្ចចរចាសន្តិភាពទល់មុខគ្នាជុំទី៤ ជាមួយរុស្ស៊ី ដែលត្រូវផ្តើមធ្វើឡើងក្នុងថ្ងៃអង្គារសប្តាហ៍នេះ អាចនាំមកនូវបទឈប់បាញ់មួយជាស្ថាពរ។ នេះមិនមែនជាលើកដំបូងឡើយសម្រាប់អ៊ុយក្រែនលើកយក បញ្ហាបទឈប់បាញ់នេះ មកនិយាយជាមួយរុស្ស៊ី ប៉ុន្តែរាល់លើកមិនបានផលទាល់តែសោះ។ យ៉ាងណាក៏ដោយ មន្ត្រីជាន់ខ្ពស់សហរដ្ឋអាមេរិកបាននិយាយថា លោកប្រធានាធិបតីរុស្ស៊ី វ្ល៉ាឌីមៀ ពូទីន មិនទាន់បានត្រៀមខ្លួនរួចរាល់ក្នុងការសម្របសម្រួលដើម្បីចរចាបញ្ចប់សង្គ្រាមឡើយ។ នេះបើតាមការរាយការណ៍ពីសារព័ត៌មានអន្តរជាតិជាច្រើន។