#ផែនការជំរុញវិស័យអចលនទ្រព្យឲ្យងើបឡើងវិញ

ធនាគាររដ្ឋវៀតណាមបានបញ្ចុះអត្រាការប្រាក់គោលចំនួន៤ដង ដើម្បីកាត់បន្ថយអត្រាការប្រាក់កម្ចីរបស់ធនាគារពាណិជ្ជនានានៅក្នុងប្រទេស ដែលមានប្រជាជនប្រហែល ១០០ លាននាក់នេះ។ ការសម្រេចបែបនេះមានគោលបំណងកំណត់អត្រាការប្រាក់កម្ចីឱ្យធូរជាងមុនសម្រាប់អ្នកដែលត្រូវការប្រាក់យកទៅទិញផ្ទះ ក៏ដូចជាសម្រាប់សហគ្រាសអាជីវកម្មនានាដែរ។ ទីផ្សារអចលនទ្រព្យក្នុងស្រុកត្រូវបានព្យាករណ៍ថា នឹងងើបឡើងវិញនៅឆមាសទីពីរនៃឆ្នាំនេះ ដោយសារគោលនយោបាយដែលបានដាក់ចេញ ។