#ប្រទេសចិន និងអាជ្ញាធរប៉ាឡេស្ទីនស្ថាបនាភាពជាដៃគូយុទ្ធសាស្ត្រ

ប្រធានាធិបតីចិនលោក ស៊ី ជីនពីង បានប្រាប់សមភាគីប៉ាឡេស្ទីននៅទីក្រុងប៉េកាំងកាលពីថ្ងៃពុធថា ប្រទេសចិនមានឆន្ទៈដើរតួជាវិជ្ជមាន ដើម្បីជួយប៉ាឡេស្ទីនសម្រេចបាននូវការផ្សះផ្សាផ្ទៃក្នុង និងជំរុញកិច្ចចរចាសន្តិភាពជាមួយអ៊ីស្រាអែលឡើងវិញ។ ការថ្លែងដូច្នេះបានធ្វើឡើងអំឡុងដំណើរទៅកាន់ប្រទេសចិនរបស់ប្រមុខអាជ្ញាធររដ្ឋប៉ាឡេស្ទីន ចំពេលដែលជម្លោះរាំរៃមិនចេះចប់រវាងអ៊ីស្រាអែល និងប៉ាឡេស្ទីនកំពុងកើនកម្តៅ ខណៈអាមេរិកហាក់ងាកទៅគាំទ្រអ៊ីស្រាអែលតែម្ខាង។ នេះបើតាមការចុះផ្សាយដោយសារព័ត៌មានរ៉យទ័រ។