#ប្រទេសចិន - សហរដ្ឋអាមេរិក

ទីក្រុងប៉េកាំងបានបដិសេធសំណើរបស់មន្ទីរបញ្ចកោណដែលចង់ឱ្យមានកិច្ចប្រជុំរវាងរដ្ឋមន្ត្រីការពារជាតិអាមេរិក លោក ឡយ អូស្ទីន និងរដ្ឋមន្ត្រីការពារជាតិចិន លោក លី សាងហ្វូ នៅឯវេទិកាសន្តិសុខក្នុងប្រទេសសិង្ហបុរីនាខែមិថុនាខាងមុខ។ នេះជាសញ្ញាចុងក្រោយបង្អស់ដែលបង្ហាញពីការលំបាកខ្លាំង ខណៈដែលប្រទេសទាំង២កំពុងព្យាយាមរក្សាស្ថិរភាពទំនាក់ទំនងដ៏ចម្រូងចម្រាស់របស់ពួកគេ។ នេះបើតាមការចេញផ្សាយរបស់សារព័ត៌មាននីកេអេស៊ា។